فوايد لعب ألعاب الفيديو

أثبتت الأبحاث الحديثة إن الألعاب ليها فوايد كتيرة وأهمها تطوير مهارات المعرفية عند الأطفال والبالغين. بتساعد الألعاب المعرفية على إنها تحفز الأنسان بإستمرار، وبالتالي بتحسن أداء الدماغ. . دي شوية من فوايد المعرفية للعب ألعاب الفيديو…

تحسين التناسق

لما بيلعب شخص بالغ أو طفل لعبة فيديو، فهو مش بس بيبص على الكمبيوتر. اللي بتظهر على الشاشة زي التحفيز العقلي. عشان يلعب الشخص ، هيحتاج لتنسيق حركته البصرية والسمعية والجسدية.

تطوير مهارة حل المشاكل

ألعاب الفيديو مبنية على قواعد معينة. دة معناه إن اللاعب لازم يفكر كويس قبل ما ياخد أي خطوة عشان يضمن و يتأكد من بقائه حسب القواعد المطلوبة للعبة دي.

تعزيز الذاكرة

ممكن لعبة الفيديو المفضلة عندك تتطلب إن يبقى عندك ذاكرة بصرية وسمعية. لأن اللاعب من مهامه قراءة أو الاستماع للتعليمات اللي ممكن تبقى موجودة في أول اللعبة، وبالتالي الحاجة دي لازم يفضل فاكرها خلال اللعبة كلها. وده هيساعد على تحسين ذاكرة اللاعب، سواء على المدى القصير أو الطويل.

تحسين الانتباه والتركيز

أثبتت ألعاب الفيديو، خاصة ألعاب الحركة، إنها تقدر تجذب انتباه اللاعب طوال فترة اللعبة. وده بيكون سببه إحتياج اللاعب إنه يحقق أهداف معينة داخل اللعبة، وإنه يكون قادرعلى الصعود للمستوى التالي.

تحسين سرعة الدماغ

وقت اللعب المخ بيكون فيه تحفيزات كتيرة، بصرية وسمعية. وفقًا للبحث، ممكن للأشخاص اللي بيلعبوا ألعاب الفيديو بشكل متكرر إنهم يستوعبوا التحفيزات دي بشكل أسرع من أي حد تاني. التحفيزات دي بتضمن أن الدماغ هتفضل تشتغل بشكل مستمر.

تطوير المهارات الاجتماعية

التواصل بإستمرار بين اللاعبين بيؤدي لتطوير علاقات هادفة ومش عادية فيما بينهم. وده بيساعد اللاعيبة على التعرف على أصحاب جدد وبناء دايرة علاقات ومعارف مع تقوية الروابط مع أصدقائهم القدامى.

بالرغم من أن ألعاب الكمبيوتر ممكن تكون مفيدة ، إلا أنها محتاجة تتلعب بشكل معتدل. ومهم بردو اختيار اللعبة المناسبة عشان مش كل الألعاب بتقدم نفس المزايا المعرفية. والعمر لازم يكون عامل برده. لأن مثلًا مينفعش إن الأطفال الصغيرة تتعرض لألعاب عنيفة.

لمعلومات أكتر, تقدر تزور الموقع ده:

https://cutt.ly/VrNwqiW

إحنا مين؟

لأن المنتجات الذكية بقت جزء اساسي فى حياتنا ، قررنا نطور ونقدم إبتكارات تخلي حياة الملايين أفضل وأسهل وكمان ننشر الوعي التقني وطرق استخدام التكنولوجيا فى حياتنا اليومية.

إبتكارات كاردو

قناة كاردو فى اليوتيوب

اقرأ اكتر