كاردو تك

هنشاركك خبرتنا فى التكنولوجيا ، خليك متابعنا

ما هي تقنية الواقع المعزز؟

التطور التكنولوجي عن طريق ” الواقع المعزز ” .لو قرأت كلمة الواقع المعزز في مكان ما غالباً هتلاقي ليها تعريفات مختلفة، عشان كده إحنا هنفهمك معنى الواقع المعزز بالتعريف التكنولوجي الخاص بيها.وعشان تفهم أكتر لما تشوف الناس بتتكلم عن الإحصائيات اللي بتقول إن احتمالية وصول إيرادات الأجهزة العاملة بتقنيات الواقع المعزز والواقع الإفتراضي، واللي بتصدر إلى كل أنحاء العالم، هتتجاوز عتبة ١٩٨ مليار دولار بحلول سنة ٢٠٢٥

ما هي تقنية الواقع المعزز؟

زي ما ممكن تفهم من كلمة الواقع المعزز إنه تقنية حديثة بتعتمد على الواقع اللي بنعيش فيه  بس مع شوية تغيير . الواقع المعزز تجربة فريدة للواقع الحقيقي ولكنه معزز باستخدام عدة أجهزة سواء كانت محمولة زي الهاتف الذكي أو من خلال الأجهزة التي يتم ارتداؤها كالنظارات، وكمان مع إضافة ردود الأفعال الحسية للواقع المعزز، اللي ليه أهمية كبيرة في زيادة تفاعل المستخدم مع التطبيقات المختلفة زي النظر والسمع واللمس وحاسة الشم والتذوق.

تقنية الواقع المعزز مش مختلفة تماماً عن تقنية الواقع الافتراضي بس من المهم معرفة الفرق ما بينهم.

ما هو الفرق بين الواقع المعزز والواقع الافتراضي؟

الواقع الافتراضي يعتمد ببساطة على تقنية الحاسب الآلي عشان يخلق عالم مختلف تماماً على اللي بنعيش فيه. الواقع الافتراضي بيستبدل منظورك للواقع أما الواقع المعزز بيضيف ليه ويحدث تغيير بسيط في الواقع الحقيقي الخاص بيك. قد يكون عن طريق إضافة بعض المؤثرات البصرية أو السمعية أو الحسية. باختصار الفرق الواضح اللي هيخليك تفهم ببساطة هو إن الواقع المعزز بيعتمد بشكل أساسي على الواقع الحقيقي.

كيفية استخدام الواقع المعزز في الوقت الحالي؟

من المتوقع إنك عمرك ما لاحظت إن تقنية الواقع المعزز بتستخدم في حياتنا اليومية.ودلوقتي بعد ما فهمت معنى الواقع المعزز، مش هتتفاجئ لما نقولك أمثلة لوجود الواقع المعزز في حياتنا زي:-

فلاتر الكاميرا اللي موجودة في الفيسبوك والإنستغرام أو إضافة أي مؤثرات على صورك. ده الواقع المعزز! -الألعاب زي بوكيمون غو اللي نالت شهرة واسعة جداً في ٢٠١٦ وهي لعبة واقع معزز مخصصة للهواتف المحمولة وسمحت لمستخدميها بالتقاط وقتال وتدريب كائنات افتراضية  البوكيمونات (مفردها البوكيمون)، واللي بتظهر على شاشات الأجهزة وكأنها موجودة في العالم الواقعي ووصل عدد مستخدميها ل ٦٥ مليون مستخدم.

-و حالياً متوفر في خرائط جوجل ميزة التنقل في الخرائط عن طريق طبقة من الواقع المعزز ملصقة على طبقة تانية من الواقع الفعلي من خلال كاميرا الموبايل , وعشان تستخدم الميزة دي لازم ترفع الموبايل لمستوى نظرك و التقنية البرمجية هتقوم تلقائياً بإظهار مجموعة أسهم تدلك على الاتجاهات اللي مفروض تمشي فيها

– بعض شركات التجميل زي “لوريال” قامت بصنع تطبيق app بيسمح للمستخدمين تجربة منتجات التجميل الخاصة بهم عن طريق تقنية الواقع المعزز.

– مش بس كده , ديزني عملت كتاب للأطفال هيمكنهم من مشاهدة شخصياتهم المفضلة على هيئة مجسمات ثلاثية الأبعاد بمساعدة الواقع المعزز.

– أيكيا كانت من أوائل الشركات التي استخدمت تقنية الواقع المعزز عشان تسهل عملية الشراء عند المستخدم، ممكن يجرب شكل كرسي أو سرير في بيته من غير مجهود .

الواقع المعزز والواقع الافتراضي من النقلات التكنولوجية اللي غيرت من حياتنا في مختلف المجالات ,

الواقع المعزز والواقع الافتراضي من النقلات التكنولوجية اللي غيرت من حياتنا في مختلف المجالات ,

اشترك في كاردو تك

عشان تعرف الجديد وتتعلم أكتر عن التكنولوجيا

إحنا مين؟

لأن المنتجات الذكية بقت جزء اساسي فى حياتنا ، قررنا نطور ونقدم إبتكارات تخلي حياة الملايين أفضل وأسهل وكمان ننشر الوعي التقني وطرق استخدام التكنولوجيا فى حياتنا اليومية.

إبتكارات كاردو

قناة كاردو فى اليوتويب

اقرأ اكتر

  • حساب جديد
أو سجل الدخول عن طريق
نسيت الباسورد؟ اكتب ايميلك او اسم المستخدم. وهنبعتلك ايميل عشان تعمل باسورد جديد.