الأكل الصحي في رمضان

بتختلف الأطباق على السفرة كل يوم، وكل بيت فيه عاداته في الأكل، بس الحاجة المشتركة بينهم كلهم هي الأكل التقيل. خلي رمضان السنة مختلف وبدل الأكل الغير صحي، بأكل يفيدك ويساعدك توصل لهدفك، سواء انقاص الوزن، زيادة الوزن، او حتى انك تفضل صحي. 

أكلات مفيدة لازم تبقي في نظامك الغذائي:

التمر… التمر احسن حاجة تكسر بيها صيامك، بكمية سعرات حرارية مناسبة جدا ترجع الطاقة بعد يوم طويل من الصيام، وقدرة على تجهيز المعدة لاستيعاب كمية الأكل اللي هاتكلها خلال وجبة الفطار نفسها.

الشوربة… الشوربة بكل أنواعها اختيار صحي جدا وقت كسر الصيام. درجة الحرارة العالية بتهيأ المعدة للهضم، وبتعوض الجسم عن السوائل المحتاجها. شوربة لسان العصفور، والخضار اختيار جيد جدا وينصح بيه. 

السلطة الخضرا… السلطة المكونة من ٣ ألوان او اكتر مهمة في كل الاوقات مش في وقت الصيام بس. رغم انها  كمقبلات او طبق جانبي، الا انها اهم طبق لازم يتقدم على السفرة. غير أنها غنية بالفيتامينات والمعادن، السلطة بتعمل على امتصاص اي دهون او سموم ضارة في الاكل اللي بناكله.  

البروتين… البروتين بيبقي في اللحوم, الفراخ, والسمك. وينصح بأكل البروتين مسلوق, أو مشوي قبل النشويات, لقدرة البروتين على انه يحسسك بالشبع أسرع؛ وده هيخليك تاكل نشويات أقل. 

النشويات… الرز والعيش والمكرونة مبنقدرش نعيش من غيرهم, وجزء أساسي من أي وجبة. بس يفضل اننا ناكلهم بكميات قليلة لاحتوائهم سعرات حرارية عالية جدا مقارنة بالبروتين مثلا. يفضل اننا نبعد عن النشويات البيضا ونتجه للنشويات البني, زي الرز البني والعيش الأسمر. 

تابع جسمك باستمرار 

مهم جدا تتابع جسمك والـ progress اللي وصلتله اول باول, لأن ده بيشجعك تكمل لو انت ماشي صح, أو بيحذرك لو ماشي في طريق غلط انك تلحق نفسك وتعدل الطريقة المستخدمة. محتاج يكون عندك حاجة بتابعك وتقولك وصلت لفين. ميزان كاردو الذكي ممكن يكون اختيار كويس في هذه الحالة. ممكن تعرف اكتر عنه من هنا