تأثير استخدام تقنية الواقع الافتراضي في التربية والتعليم.

غيرت تقنية الواقع الإفتراضي مفهوم التدريس لكل الطلبة حول العالم بمميزاتها اللي حققت أصعب معادلة وخلت تلقي المعلومات سهل وممتع.

أثبتت دراسات كتير إن لما الطالب يتعلم في عالم إفتراضي ثلاثي الأبعاد، نسبة تركيزه وفهمه للمعلومات بتزيد عشان تقنية الواقع الإفتراضي بتخلق عنده إحساس المغامرة والاكتشاف من غير ما يتحرك من مكانه.

عايزك تتخيل معايا، أنه مجرد ما بيلبس نضارة الواقع الإفتراضي بيقدر يعمل رحلة لأي متحف في العالم, ومهاتما غاندي يحكيله إزاي قاوم الاستبداد وساعد الهند على الإستقلال, وكل ده وأكتر زي ما هنحكيلك دلوقتي تأثير استخدام تقنية الواقع الإفتراضي في التعليم.

تعلم وإتقان

اللغة الإنجليزية بسهولة:

أثبتت الدراسات أن من بين كل مليار شخص بيتعلم اللغة الإنجليزية , نسبة الفشل وصلت ل 95% , وكان رد فعل خبراء اللغة أن الرقم ده متوقع عشان متوفرش ليهم بيئة تساعد على ممارسة اللغة ومحدش شجعهم كفاية. والمشكلة الحقيقية إن المدرسين مهتمين بتدريس قواعد اللغة عن تدريس كيفية استخدامها على أرض الواقع.
ظهور تقنية الواقع الافتراضي حل كل المشاكل دي ببساطة وقدمت فرصة للي عايز يتكلم أي لغة بطلاقة عن طريق ممارسة اللغة في واقع إفتراضي مع أشخاص افتراضيين بيتفاعلوا ويتكلموا مع الشخص باللغة اللي محتاج يتعلمها فبالتالي بيتقنها في فترة بسيطة وبكل سهولة
فهم علم التشريح بدون تعقيد: ساعدت تقنية الواقع الإفتراضي الطلاب على فهم خبايا جسم الانسان وفهم تفاصيل حركة كل عضو من غير ما يتخيلوا تخيلات غلط وساعدتهم إنهم يذاكروا مصطلحات علمية معقدة بكل سهولة لأنهم عاشوها بنفسهم.

العيش في الماضي وفهم أحداث التاريخ:

أي إنسان صعب عليه يحفظ حدث معين من غير ما يعيشه بنفسه وده بينطبق بوضوح على الطالب اللي مطلوب منه يحفظ تاريخ حضارات عمره ما شافها وتقنية الواقع الإفتراضي خلت ده ممكن بإنها أتاحت له يتفرج على حدث تاريخي حصل قبل ولادته بسنين ويعيشه لحظة بلحظة زي الحروب.وده هيخليه يحكم على كل حدث بوجهة نظر مختلفة ويفهم التاريخ بشكل أوضح بكتير من مجرد قرايته في الكتب أو السمع من المدرسين.

History

أحد أكثر استخدامات الواقع الافتراضي إثارة في النظام التعليمي هو أن الطلاب يمكنهم مشاهدة ما حدث في التاريخ، قبل سنوات من ولادتهم، وتجربة ما حدث في الحروب والمعارك. ويمكنهم تقييم كل شيء من وجهة نظر مختلفة، مما يجعلهم يرون الأمور بشكل أفضل بكثير من خلال الكتب والشرح.

تنمية الأخلاق والتعاطف لخلق مجتمع مستقر:تقنية الواقع الإفتراضي أتاحت للطلبة فرصة السفر لبلاد مختلفة وفقيرة ويشوفوا بعينهم أساليب حياة شعوب مختلفة وده هيضيف لشخصياتهم قدر كبير من القيم والمبادئ والرحمة والتعاطف مع الناس المختلفة عنهم.

السفر في الزمن واكتشاف الفضاء:

أتاحت تقنية الواقع الإفتراضي للطلبة السفر في الزمن واكتشاف الكواكب والمجرات , بقى ممكن يتغدوا على المريخ و يلعبوا كره القدم في المجرات من غير أي حدود وبأقل تكلفة.

تحديد المستقبل واختيار الوظيفة المناسبة:

وفرت تقنية الواقع الإفتراضي للطالب إنه يجرب يشتغل في وظائف مختلفة زي إنه يعيش حياة مهندس معماري ويبني مباني افتراضية, وده أتاح له فرصة اختيار الوظيفة المناسبة في المستقبل من غير ما يندم على قراره.

في النهاية، كان صعب أوي نتخيل إن ممكن العلم يكون ممتع ومسلي مهما حاولنا بس تكنولوجيا المستقبل خلقت عالم جديد غير مفهوم التعليم للأبد وكل ده اتحقق بتقنية الواقع الإفتراضي ثلاثي الأبعاد والبرامج والفيديوهات اللي بتدعم نضارات الواقع الإفتراضي وكلها متوفرة على جوجل بلاي وأبل ستور.

ومع مرور كل يوم بيظهر تطبيق جديد عشان يحسن طريقة التعليم وتوصيل المعلومات للصغير قبل الكبير.

 لو جالك رسالة من مدرسة أولادك إنها هتخلى التعليم معتمد على تقنية الواقع الإفتراضي، هتكون مع ولا ضد؟