ازاي احمي نفسي من احتباس المياه في جسمي؟ (واخس بسرعة)

كتير مننا مشغول في حياته اليومية سواء في الشغل، البيت، أو حتى الدراسة، ومش بنلاقي وقت نهتم بصحتنا. وممكن حاجة بسيطة – المياه – جنبنا طول اليوم تكون خطوة مهمة لجسمك وأنت مش واخد بالك. والوزن الزيادة اللي عندك ممكن يبقي مياه مش دهون، جسمك بيفشل انه يخرج المياه الزيادة اللي في الأنسجة واللي بنسميه (احتباس المياه في الجسم) 

احتباس المياه في جسمك ممكن يأثر بشكل سلبي على صحتك، ويسبب التورم او الانتفاخ، ممكن يسبب زيادة الوزن ويأثر على صحة القلب والكلى، خلينا نعرف اكتر ايه الحاجات اللي بتسبب احتباس المياه، وازاي نحمي نفسنا منه

قلل الأملاح من اكلك واشرب مياه كتير 

من اهم اسباب اللي بتساعد جسمك انه يخزن أو يحبس مياه فيه هي الأكل الأملاح، وده بسبب الصوديوم الي في ملح الطعام. بمعنى آخر كل ما الملح في جسمك يزيد، كل ما تحتاج مياه اكتر. 

لازم تاخد كمية المياه اللى جسمك محتاجها. وفي طريقة كويسة جدا ممكن تساعدك تعرف جسمك محتاج كام كوباية مياه في اليوم: (وزنك بالكيلو جرام/ ٨ = عدد كوبايات مياه اللي محتاج تشربها) 

قلل الكربوهيدرات 

استهلاك كميات كبيرة من الكربوهيدرات عامل مهم في احتباس المياه فى الجسم؛ لأن بشكل أساسي الكربوهيدرات اللي مش بيحتاجها الجسم انه ينتج بيها الطاقة بتتحول على طول لـ جليكوجين وتتخزن في العضلات.

استهلاك كمية كبيرة من الكربوهيدرات بتعلي برضو نسبة الأنسولين اللي بساعد الكلي انها تخزن المياه، والأنسولين لو زاد المياه بتتخزن اكتر. وده يفسر ليه اللي يبدأوا كيتو دايت، صيام متقطع، او اي نوع دايت تاني بيحسوا انهم اخف -بسبب إن نسبة المياه قلت بشكل ملحوظ- 

دخل البوتاسيوم في نظام اكلك 

البوتاسيوم بيشتغل عكس الصوديوم اللي في ملح، بيساعد على نقل العناصر الغذائية للخلايا وبيساعد فى تقليل احتباس المياه في الجسم و مهم جدا لنظامنا العصبي والعضلات. 

والبطاطس، السبانخ، الموز، البرتقال، الأفوكادو وجوز الهند أمثلة كويسة للحاجات اللي فيها بوتاسيوم

مارس الرياضة بشكل منتظم

مش مهم نوع الرياضة ايه، ممكن تروح الجيم، تلعب رياضة في البيت، أو حتى تتمشي لمدة ٣٠ دقيقة، ام حاجة الانتظام وتكون بشكل مستمر.  الرياضة بتحسن الدورة الدموية وده بيقلل تراكم السوائل في الجسم.

ازاي اعرف نسبة المياه في جسمي؟ 

معرفة نسبة المياه في جسمك هتبقي إضافة مهمة ليك وانت بتحاول تخس, او بتحاول تحمي نفسك من احتباس المياه في جسمك. ممكن تعرف نسبة المياه في جسمك عن طريق انك تعمل inbody في الصيدلية, او الgym بس هيبقى صعب انك تتابع اول باول. الحل التاني هو انك يبقى عندك ميزان ذكي في بيتك اللي هيخلي متابعة نسبة المياه, والدهون, الكتلة العضلية, وحاجات تانية كتير أمر في منتهى السهولة. اعرف اكتر عن ميزان كاردو الذكي من هنا

اشترك في كاردو تك

عشان تعرف الجديد وتتعلم أكتر عن التكنولوجيا

إحنا مين؟

لأن المنتجات الذكية بقت جزء اساسي فى حياتنا ، قررنا نطور ونقدم إبتكارات تخلي حياة الملايين أفضل وأسهل وكمان ننشر الوعي التقني وطرق استخدام التكنولوجيا فى حياتنا اليومية.

إبتكارات كاردو

قناة كاردو فى اليوتيوب

اقرأ اكتر