كاردو تك

هنشاركك خبرتنا فى التكنولوجيا ، خليك متابعنا

ميتافيرس وريث الانترنت

تخيلت في مرة أنك تعيش في عالم موازي وانت داخل بيتك!! اللي هتشوفه دلوقتي ده ميختلفش كتير عن اللي شفته قبل كدا في أفلام الخيال العلمي، مصطلح الميتافيرس ابتكرها الروائي الأمريكي “نيل ستيفنسون” في رواية “سنو كراش” (Snow Crash)، وهي من نوعية الخيال العلمي اللي بيتخيل فيها لجوء البشر للعيش في عالم افتراضي مجسّم.
ثورة جديدة في عالم الإنترنت واللي بتحاول فيسبوك حجز مكانها فيه من اليوم باستثمارات وصلت للمليارات ووفرت اكتر من عشر آلاف مهندس عشان يشتغل على مشروع مرعب هيبقي الجيل الجديد من مستقبل الانترنت والسوشيال ميديا ده بقى اللي هيخلقه الـ”ميتافيرس” قريبا

ايه هو الميتافيرس (Metaverse)
المصطلح بيتكون من جزئين، الجزء الاول (Meta)وده كلمة يونانية معناها (ما وراء) والجزء التاني (Verse)وده اختصار لكلمة universe اللي معناها (الكون)يعني المعنى الحرفي لكلمة(Metaverse)هو الكون الماورائي .
المشروع ده هدفه انه يصنع عالم افتراضي ثلاثي الابعاد بيتصنع باجهزة كمبيوتر باستعمال برامج محاكاه للواقع. والبعد الافتراضي ثلاثي الأبعاد ده هنقدر مستقبلاً نلبس Headset شبه نظارات الواقع الافتراضي زي نضارة CardoO Vr عشان نتنقل فجأة لواقع وهمي نعيش فيه كأنه عالمنا الحقيقي مش بس كده احنا هنتفاعل مع بعض ونشوف بعض بصورة ثلاثية الابعاد و نتقابل ونتمشى وندخل سينما ونمارس أي نشاط ممكن تتخيله زي اللي بنمارسه في حياتنا الطبيعية من خلال الكون الوهمي ده من غير ما تخرج من اوضتك، الفكرة قريبة جدا من العالم اللي شفناه في فيلم Matrix أو افاتار .

انطلاقة الـ Metaverse:
تخيل عالم عايش فيه مليارات البشر وينطلق انطلاقة ضخمة شبة البداية اللي بدأها فيسبوك سنة 2004 هيحتاج شركات ضخمة غير الفيسبوك يشتغل على التقنية دي منهم مثلا شركة Microsoft اللي بتستثمر بقوة في المشروع ده وعندها بردو آلاف المهندسين بيشتغلو علي مشارع ميتافيرس خاص بيهم، ده غير شركات ومنصات الألعاب الرقمية الضخمة زي Epic games اللي داخلين بقوة في مشاريع العالم الافتراضي، لان على حسب كلام مارك زوكربيرج مؤسس فيسبوك أن المشروع ده صعب يتم إنجازه من شركة واحدة ولازم يحصل تعاون وتطوير فيه من خلال اكتر من شركة عشان كدا هيخطط انه يخلي فيسبوك مجرد منصة تحت اسم شركة تانية بتضم كتير من المنصات زي واتس اب وانستجرام وكمان منتجات ونظارات الواقع الافتراضي اللي بيصمموها تحت اسم Oculus كل دول هيبقوا أجزاء من شركة واحدة كبيرة ليها اسم جديد لسه محدش يعرف اسم الشركة هيبقي والموضوع سري لحد ما مارك يعلن عن الموضوع رسمياُ في مؤتمر Connect السنوي اللي هيكون يوم 28 أكتوبر 2021 وفي توقعات أن الاسم الجديد هيبقي Horizon، ده غير ان فيسبوك أعلنت من فترة قريبة عن ابلكيشن جديد للتواصل في قطاع الأعمال اسمة Horizon workplace وده شبه برامج Zoom وMicosoft Teams بس الفرق انك يتكون جوه واقع افتراضي كأنك قاعد مع زمايلك في المكتب .

المستقبل رايح لفين؟!!
كدا انت شايف العالم متجه لفين دلوقتي ومارك بيفكر ازاي ويستثمر ثروته الضخمة في ايه تحديداً هو وأثرياء العالم وازاي بيخططوا لتغيير شكل حياتك وشكل حياة أولادنا كلها في خلال السنين اللي جاية، تخيل شكل العالم هيكون عامل ازاي في المستقبل؟ وقد ايه هيكون في عوالم افتراضية كاملة هتعيش فيها وتقابل فيها الناس زي الحياة الحقيقية بالضبط، عوالم ممكن تكون اكبر واوسع من العالم بتاعنا هتقدر تعمل اللي انت عايزة بمجرد التفكير وبس.

اشترك في كاردو تك

عشان تعرف الجديد وتتعلم أكتر عن التكنولوجيا

إحنا مين؟

لأن المنتجات الذكية بقت جزء اساسي فى حياتنا ، قررنا نطور ونقدم إبتكارات تخلي حياة الملايين أفضل وأسهل وكمان ننشر الوعي التقني وطرق استخدام التكنولوجيا فى حياتنا اليومية.

إبتكارات كاردو

قناة كاردو فى اليوتويب

اقرأ اكتر